МЫЙЛА ТАДЗИ ШУСЬӦ...


Кывбур кывбурӧн ӧд шусьӧ, —
Мӧвпала ме ӧтнам гусьӧн, —
Гашкӧ, сыысь, мый ӧд бур да,
Сьӧлӧм дойыд сыысь бурдӧ.

Мыйла кывйыс тадзи шусьӧ?
Гашкӧ, шуд на сыысь усьӧ?
Ӧктан кывъяс тусьӧн-тусьӧн.
Со и кывбур — уна туся.

Ӧмидз-оз моз кывъяс ӧктан,
Блокнот-дозйыд надзӧн сьӧктӧ,
Мича кывйыс чӧжсьӧ уна,
Коркӧ йӧз дорӧ на мунас.

Кывбур кывбурӧн ӧд шусьӧ,
Кывбуралысь ӧтнас, гусьӧн
Мича кывъяс тусь моз корсьӧ,
Кывбур артмӧ сьӧрсьӧн-бӧрсьӧн.