* * *

Войвыв пармаыс усьпаньвыв пуксис,
Сійӧ унзількодь, ланьтӧма, рам,
Быттьӧ байкӧдӧ ичӧт оз тусьӧс
Сійӧс радейтысь мусаник мам.

Войвыв пармаыс зарниӧн ӧзйӧ,
Талун вӧр-ваыс зэв на и шань.
Чим гӧрд мольяссӧ пелысьыс вӧзйӧ,
Мед жӧ матыстчас сы дорӧ ань.

Арся вӧр-ваыс век меным муса,
Зарни кыдз пуыс ышӧдӧ лов.
Еджыд кыддзыстӧг шонді мен кусӧ,
Сыысь мичаыс меным оз ков.

Войвыв вӧр-ваыс усьпаньвыв пуксис,
Унзіль кыдз пуӧй виччысьӧ тӧв.
Менам музаӧй бара на тшупсьӧ,
Нормӧм сьӧлӧмӧй оз ов на чӧв.

Кыськӧ кыпыдлун бара на воис,
Сӧмын лӧсьӧдав кывбуръяс, гиж.
Со тай кыдз пуӧй зарниӧн койис,
Усьысь коръясыс дзик ставыс виж.