РАДЕЙТӦ КӦ...


Радейтӧ кӧ, мӧд дорӧ оз мун,
Муса понда ловсӧ весиг сетас,
Мусмӧм мортыд некор и оз вун,
Радейтысьыд шань туй вылӧ петас.

Радейтӧ кӧ, лӧсьӧдас тэд рай:
Ӧтув позйыд медся шоныд, муса.
Радейтӧ кӧ, сьӧлӧмын век май,
Тэ вӧсна дась бергӧдны и Мусӧ.

Радейтӧ кӧ, мӧд дорӧ оз мун,
Тэ ӧд сылы медся-медся дона,
Радейтӧ кӧ, сэки чӧскыд ун,
Мусук дорын кӧдзыд тӧлыс шоныд.

Радейтчӧмыд — тайӧ ыджыд шуд,
Мед жӧ муслун сьӧлӧмын век олӧ,
Ассьыд шудтӧ топыд киын кут,
Збыльысь муслун ӧтчыд сӧмын волӧ.