ПӦРЫСЬӦ-НЭМӦ


Кӧдзыд кӧ — лёк,
Жар — бара лёк,
Пӧрысьӧ-нэмӧ
Тырмымӧн нок.
Кокъястӧ кыскалӧ
Коркӧ вой тӧв,
Абу нин сьӧлӧмвыв
Тулыс ни тӧв.
Гожӧм век виччысян,
Сійӧ зэв дженьыд,
Арыс оз гажӧд,
Лун-войыс пемыд.

Лача кӧ эм,
Эскӧм кӧ эм,
Овсяс на, гашкӧ,
Оз дженьыд нэм.
Сӧмын мед йылӧмкӧд
Йитӧд оз ор,
Бур на, кор завидьлун
Синтӧ оз ёр.
Пӧрысьӧ-нэмӧ кӧ
Эскӧмӧн олан,
Аслад на шаньлуннад
Кодлыкӧ колан.