АТТЬӦ ШУА...


Ме Енлысь озырлун ог кор,
Но ыджыд аттьӧ шуа Сылы,
Мый олӧм абу на и нор,
Да сьӧлӧм радлун век на кылӧ.

Ме Енсянь зарни ог жӧ кор,
Да сӧмын сы вӧсна и шуда,
Мый синмӧс завидьлун оз ёр,
А Енмыс менӧ оз на вунӧд.

Мен Енсянь уна оз и ков,
Ӧд Сійӧ ачыс бура тӧдӧ,
Мый ставлы колӧ нянь и сов,
А озыр озырлунас пӧдӧ.

Ме Енсянь быдтор ог и кор,
Ӧд рад и сыысь, мый на ола,
Мый эм на мыла сьылан гор,
Мый кыпыдлун на коркӧ волас.

Ме Енсянь бур ним ог жӧ кор,
Ӧд Ыджыдаыс ачыс аддзӧ:
Шань мортлӧн сьӧлӧм — дзольгысь шор —
Век муслун сьылан сьылӧ надзӧн.