ТОМЛУН


Томлуныд, кыдз шоныд гожӧм,
Тӧдлытӧг и кольӧ,
Томдырад тай он на косав,
Мӧвпнад кӧть и волан.

Томлуныд, кыдз войвыв гожӧм,
Вывті дженьыд сійӧ.
Том кад котӧртӧ зэв чожа,
Зэв ӧд тэрыб сійӧ.

Томлуныд, кыдз кыпыд гожӧм,
Сьӧлӧм мыла сьылӧ,
Томнад ставыс муса, гажа,
Ачыд муслун кылан.

Томлуныд, кыдз мича гожӧм,
Уна рӧма сійӧ.
Быттьӧ быд лун шонді пӧжӧ,
Олан дзоридз пиын.

Эм на эськӧ баба гожӧм,
Сійӧ зэв и дженьыд,
Пӧрысь морттӧ оз ӧд гажӧд,
Войыс вывті пемыд.

Пӧрысьдырся олан кадыс —
Тӧждын йылӧм понда,
Мед жӧ налӧн томлун гажыс
Ӧта-мӧдӧс шонтӧ.