ШАНЬЫС ТАЙ...


Шаньыс тай отсалас,
Кодкӧ кӧ шогалӧ,
Шаньыс тай шуас на
Пӧсь, мелі кыв,
Ачыс оз ошйысь на,
Буртор кӧ вӧчӧма,
Шаньыдлӧн шаньлуныс
Ылӧ оз кыв.

Шаньыд ки нюжӧдас,
Шудланьӧ вуджӧдас,
Вердас и, удас и,
Локтас кор гӧсьт,
Йӧз вӧсна тӧждысьысь,
Лёксьыс на мездысьысь —
Быд дорӧ шаньыслӧн
Сьӧлӧмыс пӧсь.

Шань дорӧ воӧны,
Отсӧгла локтӧны,
Шаньыд ӧд некодлы
Лӧг кыв оз шу.
Шань йӧз кӧ эмӧсь на,
Таын и шудыс на,
Шань мортыд нимӧдӧ
Ас чужан му.