СЬЫВ МИЯНЛЫ, ТӦЛӦЙ


А нолтӧ, сьыв тэ миянлы, зэв гажа тӧлӧй,
Зэв гажа тӧлӧй, зэв гажа тӧлӧй!
Быд саридзын и гӧраын тэ светас вӧлін
И кывлін тэ став светсьыс сьыланкыв.
Сьыв тэ, тӧлӧй, из гӧраяс йылысь,
Саридз йиръяслысь тайнаяс восьт,
Сьыв лэбач сёрни йылысь
И лӧз просторъяс йылысь,
И кӧні смел да гырысь йӧз.

Припев:
		Коді перйыны кужӧ победа,
		Сьылас миянкӧд ӧтвылысь мед:
		«Код гажа — серам сетӧ,
		Код кӧсйӧ — вермӧм шедӧ,
		Код корсьӧ — сійӧ аддзӧ век!»

А нолтӧ, сьыв тэ миянлы, зэв гажа тӧлӧй,
Зэв гажа тӧлӧй, зэв гажа тӧлӧй!
Быд саридзын и гӧраын тэ светас вӧлін
И кывлін тэ став светсьыс сьыланкыв.
Сьыв тэ, тӧлӧй, вӧр-чащаяс йылысь,
Кутшӧм овлывлӧ звер кок туй дзуг.
Кыдз кыпӧдчӧны войяс,
Кыдз вынсялӧны сойяс,
Кыдз вермӧм сетӧ гажсӧ чук.

Припев.

А нолтӧ, сьыв тэ миянлы, зэв гажа тӧлӧй,
Зэв гажа тӧлӧй, зэв гажа тӧлӧй!
Быд саридзын и гӧраын тэ светас вӧлін
И кывлін тэ став светсьыс сьыланкыв.
Сьыв тэ, тӧлӧй, быд слава и збойлун,
Быд учёнӧй, герой йылысь сьыв, —
Мед сьӧлӧм яра ӧзйис,
Мед быдӧн батьсӧ кӧсйис
Пыр суӧдны да панйыны.

Припев.

А нолтӧ, сьыв тэ миянлы, зэв гажа тӧлӧй,
Зэв гажа тӧлӧй, зэв гажа тӧлӧй!
Быд саридзын и гӧраын тэ светас вӧлін
И кывлін тэ став светсьыс сьыланкыв.
Сьыв тэ, тӧлӧй, мед сьӧлӧмын юргис
Мулӧн тувсовъя став сьылан ног.
Мед труба гажа ворсіс,
Мед вомным сьывны горзіс,
Мед кыпыдджыка ветліс кок!

Припев.