КОР ГЫМАЛІС ВОЙНАГымалан пӧраыс Некор оз вунлы — Йизьӧма-мӧрччӧма, — эк! Шойччӧг эг аддзылӧ, Синъяс эг куньлӧ — Врагъясысь дорйысим век. Топӧдліс сьӧкыдлун, Тшыгъялӧм, висьӧм, — Нянь пыдди курчкӧдлім «кач»; Орлім дзик паськӧмысь — Новлывлім киссьӧм, Тойӧссьӧм, Няйт дӧрӧм-гач... Нинӧмтор! Водзсасим! Эг тӧдлӧ полӧм, Враг водзын ки-кок эз лег! Нӧшта на збойджыкӧсь, Ярджыкӧсь лолім, — Сытӧг победа эз шед! Томъяс тшӧтш ветлісны Гырыськӧд радысь, Ӧзтлісны дорйысян вын; Найӧ эз кольмыны Порок тшын-чадысь, Кисьыныс ружье эз мын. Гымаліс, тшыналіс, Тіраліс муыс, Сынӧдыс потласьліс — трак! Некод эз бӧрыньтчы — Водзӧ пыр муніс, Кытчӧдз эз чергӧдчы враг. Миян Гӧрд Армия Врагъясӧс чужйис — Дыр найӧ пӧжисны дой! Уна геройясӧс Войнаыд чужтіс, Миян Гӧрд Армия — Дзоньнас герой!……………………………….Мунліс лёк турӧбӧн Войналӧн биыс Миянӧд — Комиӧд тшӧтш. Латкинлӧн бандаыс Унаӧс виис, Жертваыс — артавтӧм тшӧт... Англия тшӧктӧмӧн Босьтчыліс Латкин Путшкыны вир пратя гез; Куш плеша кӧинӧс Чорыда зятким — Эз вермы мырддьыны мез.……………………………….Лунвывсянь, асывсянь, Рытывсянь, войсянь Миянӧс жмитліс лёк враг... Ыджыд победаӧн Бергӧдчим фронтсянь — Топыда кутім гӧрд флаг. Гымалан пӧраыс Кольӧма ылӧ, Олӧмыс пуксьӧма мӧд. Казьтывны кольӧма Зэв уна сьылӧм, Сьылӧмас — вермасян ӧд. Тӧдлім война Гражданскӧйӧс. Чегны кӧсйисны вын Пролетарскӧйӧс. Врагъяс топӧдлісны кытш, Сувтіс Гӧрд Армия, — зытш! «Эк, дай, пӧра тай, Убирайтчы, Антанта! Мун, шӧть, здолой!»……………………………….Кодъяс сэк фронт вылын Вӧліны томӧсь, Ӧні нин быдмисны, дерт. Выль олӧм дорӧны, Зільӧсь да ёнӧсь, Дзескавлӧм найӧс оз берт. «Тӧдан, Катя, кыдз ми тэкӧд ветлім Ыджыд война дырйи биа туй: Косьяс вылӧ Медводзвылӧ Сьылігтырйи петлім, Батьяс радысь Нӧйтлім врагӧс, Нырсӧ мед оз сюй! Вына уджалысь йӧз вермис врагӧс, Война эштіс, лӧнис биа гым. Тэкӧд, ёртӧ, Локтім гортӧ Сьылігтырйи, — радӧсь. Уджӧ бара Босьтчим яра, Том вир миян пым. Сиктысь няйтсӧ, пемыдлунсӧ мыським, Выль бур оласноглань индім туй. Эгӧ полӧ — Комсомолӧ Томуловӧс кыским. Уджыс дона! Мырсим ёна — Некод эз видз жуй. Долыд уджын, вӧльнӧй гажа муын Быдмим, сӧвмим асьным, Катя, ми. Тэкӧд бара Ветлім карӧ — Велӧдчӧмын пуим. Гортӧ кайим, Сиктӧ вайим Мывкыд ӧзтан би. Овмӧс тэчӧм ыджыд ӧдӧн пуӧ, Дорам Войвылын социализм. Бырӧ дзескыд, Туйыс веськыд — Компартия нуӧ. Огӧ кольччӧ, Мунам орччӧн, — Вынным — биа из! Тӧдан, Катя, врагыд бара лыбӧ, Бара миян вылӧ лэчтӧ гыж. Гым кӧ кылам, Война вылӧ Медводз тэкӧд лэбам. Смертьсӧ аслыс — Буржуй класслы Вӧчас тайӧ тыш!» Татшӧм збой сьылӧмнас Воддза том йӧзлӧн Вынйӧрыс ӧзйӧ — Кыптӧ пеж враг вылӧ лӧг. На бӧрся вӧрзясны Выль войтыр, мукӧдъяс. Армия жугӧдас, Поткӧдас капитал йӧг! Вына Гӧрд Армия миян: Мир пасьта нималӧ-кылӧ Доблесьта славаыс сылӧн! «Миян Гӧрд Армия — Удж видзысь вын, Некор оз бӧрыньтчы, Сьӧлӧмыс пым. Миян Гӧрд Армия Врагысь оз пов, Мирнӧй удж дорйыны Быд здук гӧтов». Та вылӧ сідзи Повтӧм Гӧрд Армия миян Кӧсйысян воча кыв видзӧ: «Ми косьяс тӧдлывлім, Быд врагӧс нӧйтлывлім, Оз песовт миянӧс лёк враг. Чорыдӧсь сойяс, Сулалам збоя, Юр водзын ӧзйӧ гӧрд флаг. Тӧдам ми могнымӧс — Топӧдам рад. Ми огӧ повзьӧ, мед кавшасяс враг; Сы водзӧ некор ог уськӧдчӧ пласьт, Морӧсӧн видзам ми пыр Сӧвет власьт! Ми збоя восьлалам, Быд врагӧс водзсалам. Гӧрд знамя уськӧдӧм оз ло!» Ӧнія тревога Кыпӧдны тшӧктӧ Вылӧджык боевӧй сьыланкыв ног. Мувывса капитал Би вылын йӧктӧ: Выль война ӧзтыны — палачлӧн мог.……………………………….Тӧдам ми: Боевӧй сьӧлӧмыд Кыпӧдӧ энтузиазм, — Раз! Тӧдам ми: Комилӧн сэтшӧмыд Тӧдчӧ ӧдва на ӧдва, — Два! Эй, гижысь котыр! Зэв ыджыд копыр. Сьыланкыв вай — Уджӧ ызйӧдан, Сьӧлӧм ӧзйӧдан! Регыдджык, смотри! — Три!
