МЫЙЛА?


1.

Мыйла паськыд Эжва ворсӧ,
Босьтӧ кыркӧтш дорсӧ?
Сійӧн, мыйла этшнас сорсьӧ,
Джуджыд ва туй корсьӧ.

2.

Мыйла помтӧм парма сьылӧ,
Кыпыд юргӧм кылӧ?
Сійӧн, мыйла гажсьыс сылӧн
Морӧс пытшкас сылӧ.

3.

Мыйла сиктным лои озыр,
Кисьмӧ мича озйӧн?
Сійӧн, мыйла ми колхозын
Сӧвмам ӧтув позйын.

4.

Мыйла миян быд удж ладмӧ,
Ӧдсьыс сьӧлӧм радлӧ?
Сійӧн, мыйла шуда кадным,
Топыд миян радным.

5.

Мыйла быд сӧвет йӧз ордын
Быттьӧ аслад гортын?
Сійӧн, мыйла дружба ортӧм
Ёрткӧд йитчӧ ёртным.