ТЫР ШУДӦН КИСЬМӦ КОМИ КРАЙ


1.

Ми ӧні абу чудьяс, рабъяс,
Оз пӧдты увтыртӧм ни нарт, —
Зэв топыд, зумыд миян радъяс, 	}2- ысь
И водзӧ туйным — югыд-яр.	

2.

Оз шуштӧм шогӧн шувгы парма —
Гаж гыӧн ызгӧ пом ни дор,
Вӧр шӧрын дзордзалӧны каръяс	}2- ысь
И мургӧ индустрия гор.	

3.

Оз мудзты вӧльнӧй уджыд йӧзӧс,
Оз пыр культурнӧй сиктӧ няйт, —
Яр долыдлунӧн сьӧлӧм ӧзйӧ,	}2- ысь
Тыр шудӧн кисьмӧ Коми край.	

4.

Сӧвет страна — медвына светас,
И дружба йӧзъяс кост медъён.
Республика комилы сетіс	}2- ысь
Выль Конституция — закон.	

5.

Эм уна враг Сӧветскӧй мулӧн,
Но некод мед оз сувт туй шӧр!
Мый перйим Октябрь знамя улын,	}2- ысь
Ми некор огӧ сетӧй бӧр!