МАЙ ПЕРВОЙ ЛУННюмъялӧ, Кыдз дзоридз тыра поле, Паськыд бан тырнас Сӧветскӧй край, Кыпыд долыдлунӧн Таво колльӧ Ыджыд вӧля пырысь Кызьӧд Май; Лыддьӧ талун вермӧмъяссӧ ассьыс: Нимкодь — стрӧитіс социализм; Став лёк падмӧгъяссӧ кисьтіс-пасьйис, Водзӧ мунӧ — тэчӧ коммунизм. Миянлысь упорство мудз оз таляв! Миян вынйӧр чорыд — алмаз из. Партияным — веськӧдлысь страналӧн, Миян мунан знамя — Ленинизм. Миян олӧм — медся шуда мирас. Миян армияным — медся ён. Подлӧй враг мед лёкысь пиньсӧ йирас, Но мед миян вылӧ эз лысьт воны пон! Югдӧдӧ бур олӧм Конституция, Топыд братскӧй дружба йӧзъяс кост. Сетіс мый Октябрьскӧй революция, — Сійӧс некор некод бӧр оз босьт! Талун, кыдзи скӧрмӧм-ярмӧм море, Мургӧ тшӧтш Сӧветскӧй вежтас сай, Пролетариат сэн вынсӧ дорӧ, Ӧтув лэптӧ гор: — Мед олас Май! Смерть кӧть ветлӧ Капитал мир пасьта, Ярмӧ кӧть фашистъяслӧн террор. — Но рабочӧй класс вынйӧрсӧ дасьтӧ, Орччӧн сувтӧ коммунистъяс дор; Воас сылӧн лӧглуныс зенитас, Кучкас смертнӧй косьӧ петан час, — Мувыв пролетариат став вынсӧ йитас, И смертельнӧй врагӧс дзенгас пласьт. Мортӧс мортӧн нартитӧм сэк бырӧ — Путкыльтчас век кежлӧ Капитал. Мирын сьылас вӧльнӧй гӧлӧс тырӧн Мездмӧм йӧз Интернационал.
