ЧОЛӦМ ВЫЛЬ ВӦР ЗАВОДЛЫ


Таво ми вуджам стахановскӧй пасӧн.
Талунъя луныс оз весьлунӧн вод:
Кӧн вӧлі неважӧн чаща да васӧд,
Талунсянь грымгӧ сэн выль вӧр завод.

Кыпӧдчис Коми му шӧрӧ гигантыс,
Кутшӧм Сӧвет муын шоча на эм! —
Пуктӧма сы вылӧ гырысь талантъяс,
Сюйӧма медвына техника вем.

Воддзаджык радӧ пыр вочасӧн петам,
Индустриальнӧймӧ пыр Сыктывкар.
Быдмас да сӧвмас мед сюрсъясӧн сэтӧн
Славнӧй стахановскӧй кадр!

Ёртъяс рабочӧйяс, крепосьттӧ видзӧй,
Сюсьлунлӧн личалӧм эз вӧв мед сутш!
Тыртӧй программаяс содтӧдӧн сідзи,
Гӧгӧр мед жургис стахановскӧй удж!