ЧУКСАЛА ОРДЙЫСЬНЫкоми колхозникъясӧс, став коми уджалысь войтырӧс.Ме чайта, Быдӧн ті тӧданныд менӧ, Энӧ кӧ аддзывлӧй — кывлінныд, — Ме чайта, Унаысь асланыд нэмӧ Менсьым кывбуръясӧс сьывлінныд. Тіян геройствоыд — Чорыд алмаз, Тіян ударнӧй удж — Дзирыд брильянт, Кыпӧдлӧй вылӧджык энтузиазм, Отсалӧй сетны страналы Куим миллиард! Ставныд ӧд тӧданныд ті: Удждам кӧ — аслыным ми, Бӧр босьтам ассьыным ми, Врагъяслы ог мыччӧй ки! Ёртъяс! Ме чуксала! Тіянкӧд ордйысьны пета, Кольччӧм ог чайт! Ассянь заём вылӧ сета Дас вит сё шайт!–––––––––Тіянсянь воча кыв виччыся — Тӧлысся удждонысь ыджыдджык сумма; Тайӧн ме ёнджыка йитчыся Тіянкӧд аслам пӧсь думнам. Аскӧдныд ордйысьны унджыкӧс кыскӧй! Воча кыв «Вӧрлэдзысь» газет пыр ыстӧй! (Ме чайта, оз йӧрт газетыс — Сы вылӧ местатор сетас). Сідз, ёртъяс, панласям, вай! Менам условьеӧй абу зэв слаб: Медводдза взнос мынтӧм — май, Медбӧръя срокыс — декабр!
