БЫДМАМ, ВЕРМАМ МИ!


Капиталӧс пӧдтӧ кризис,
Олӧм сылӧн дзикӧдз йизис,
Мӧда-мӧдкӧд вензьӧ (2-ысь).

Миян олӧм водзӧ кыптӧ,
Выль гигантыс кымын гыпкӧ!
Мирыс ставыс шензьӧ (2-ысь).

Личмис миян тужа-нужа,
Быдтор вӧчны асьным кужам,
Огӧ йӧзлысь кевмӧ (2-ысь)

Сӧвет му эмбурӧн шуда:
Из шом, вӧр, и нефть, и руда,
Мукӧдтор на эм и.
Унатор на эм и.

Али бокысь йӧзӧс корам?
Быд машина асьным дорам.
Али бӧрӧ колям?
Али врагысь полам?

Мый оз тырмы — корсям выльысь,
Природасӧ венам збыльысь!
Судзас миян вынным (2-ысь).

Тыр вермӧмъяс водзӧ перъям,
Социализм тэчны вермам!
Матын долыд нэмным (2-ысь).