ӦЗЪЯЛАН НИМКӧть войвылӧ мун, Кӧн во джынйыс — лун, Кӧн во джынйыс — вой, Кӧн кӧдзыдыс збой, — Яр шонді моз сэні, Лым шебраса чумъясын, Вой войтырлӧн думъясын, Пыр ӧзъялӧ дона ним — ЛЕНИН! Кӧть лунвылӧ мун, Кӧн шымыртӧ жар, Кӧн потласьӧ му, Кӧн капитал — сар Вир пычкӧ лёк нэмын, — Сэн чуксалӧ рабъясӧс, Мед шыбитны врагъясӧс, Яр шонді моз ӧзъян ним — ЛЕНИН! Кӧть асылӧ мун, Кӧть рытыввыв пыр, Кӧн вермасян шум, Кӧн тюрьмаяс тыр, — Яр шонді моз сэні, Сьӧд камера сьӧмӧсын, Быд вермасьысь сьӧлӧмын, Пыр ӧзъялӧ дона ним — ЛЕНИН! Кӧть Шӧрмуӧ сувт, Кӧн горш пон оз увт, Кӧн перйӧма мез, Кӧн олӧмыс сэзь, — Быд уджалысь вемын, Ударникъяс вермӧмын, Победаяс перйӧмын, Пыр ӧзъялӧ дона ним — ЛЕНИН! Кор йиркнитас гым — Кык мир костын кось, — Враг смертьысь оз мын, Оз ловйӧн бӧр кос! — Сэк, медбӧръя венын, Пыр миянӧс веськӧдлас, Победа туй петкӧдлас Гӧрд знамяын ӧзъян ним — ЛЕНИН!
