МЕДВОДДЗА БӦРӦЗДА


Сьылӧ долыд шыясӧн
Гажа тувсов лун.
Ворсӧ кумач гыясӧн
Гӧран-кӧдзан му.
Трактор гора орӧстлӧ —
Стальнӧй вӧв ретив.
Талун первой бӧрӧзда
Гӧрӧ коллектив.
Трактор вылын дӧлалӧ
Зэв уна гӧрд туг,
Пластӧн мусӧ чӧлалӧ
Уна орчча плуг.
Машинаӧн кӧдзисны, —
Кӧйдыс весь эз мун.
Ыджыд пӧчин вӧчисны —
Гӧран праздник лун.
Енлы некод удж водзын
Эз чӧвт пернапас.
Мича-мича нюжвидзӧ
Ыджыд кӧдзӧм пласт.
Майбыр, любӧ видзӧдны
Коллективлысь удж!
Ӧтувъя вын личӧдны
Враглӧн ки оз судз!