ЛЕНИН
(1924 вося январ 21 лун)


Ми казьтылам январ кызь ӧтикӧд лун,
Кор ыджыд шог суис став мусӧ,
Ми копырӧн казьтылам талунъя лун,
Кор Ленинлӧн олӧмыс кусі.

Став олӧмыс Ленинлӧн — гӧль вӧсна тӧжд,
Пыр на понда сьӧлӧмыс пуис;
Став мувывса уджалысь йӧзӧс нэм чӧж
Пыр мездысян туй кузя нуис.

Став гӧль йӧзлы колӧ пыр ӧтувтны вын, —
Сідз унаысь Лениныд шуліс, —
Пыр чорыда вермасьны, кытчӧдз оз мын
Став муыс буржуй кипод улысь.

Став му гӧгӧр кытшовтӧ Ленинлӧн туй,
Сэт мунӧмыс водзӧ пыр ӧддзӧ;
Му пасьтала тіралӧ озыр буржуй,
Важ олӧмлы пом воӧм тӧдчӧ.

Бур велӧдӧм Ленинлӧн некор оз кув,
Бурсиӧмъяс сылӧн оз вунны;
Мый олігас уджавліс, сійӧ оз сувт —
Ми кӧсйысям сы туйӧд мунны.

Быд уджалысь войтырлӧн Ленин оз вун,
Век Ленин ним лоӧ зэв муса,
Ми сьӧлӧмсянь копырӧн казьтылам лун,
Кор Ленинлӧн олӧмыс кусі.