ЛОЗАННАВот Чичерин муніс бара Ылӧ зэв — Лозанна карӧ, Водзвыв тӧда, лоӧ сэн Озыръяскӧд бара вен. Чукӧртчисны тайӧ карӧ Франциясянь Пуанкаре, Англиясянь — лорд Керзон, — Плешъяс кыкнанныслӧн дон! Делегатъяс уна тані: Став Антанта, став Балканы, Сэн жӧ-й турок Исмет паш, — Ме чайта да, лолӧ-й «гаж»!.. Кыптылас сэн гырысь гӧлӧс, Сёрни лоӧ уна пӧлӧс. Тяпки-ляпки сэн он шу, — Колӧ юкны турок му. Лӧсьӧдчыны лоӧ делӧ, Крукасясны Дарданнелӧ, Быдӧн шуас: «Меным вай, Медыджыд сэн менам пай...» Буржуйяслӧн сьӧлӧм чеччӧ, Кор Чичерин воас сэтчӧ, — Сійӧ оз дур накӧд дыр, Шуас налы пырысь-пыр: — Что за шум здесь, кутшӧм мургӧм? Турцию должны дать туркам. Но не вам ее делить,— Так РеСэФеСэР велит! А проливы многоводны Для торговли, дерт, свободны, Только вашу военпрыть Чтоб урезать — их закрыть! Туркам мы помочь готовы. Война мед оз пансьы снова — Вот приказ вам боевой: «Руки с Турции долой!»
