НИМКОДЯСЬ, СЕРАПИМ САРОВСКӦЙКоми мортыд, дерт на, пемыд, Пыр на дона сылы енмыд: Енлы поп ки пыр быдтор Ыстас, мый кӧть поп оз кор... Поруб вичкоын эм ӧбраз — Ыджыд, паськыд, быттьӧ ӧбӧс; Тайӧ ӧбразыслӧн ним — «Преподобнӧй Серапим». Йӧзыс медыджыд ен пыдди Серафимӧс сэні лыддьӧ, Сӧмын мышкас сэтчӧс поп Ӧшӧдӧма сылы ноп. Серафим пӧ, кывсьӧ, ӧні Ветлӧ керкаясӧд сэні. Поплы ӧктӧ колантор — Нянь да, вый да, мукӧдтор. Керка вежӧдӧмысь корӧ (Он кӧ сет, нэм кежлӧ ёрӧ. Оз тай Угрозыскӧ сюр!) Четверть... чорыд самӧкур. Йӧзыд, дерт, мися, дзик пемыд: Он кӧ сет, вошӧ пӧ нэмыд. Мый нӧ керан? Быть ӧд сет, Выль керкаад сідз он пет... Аттӧ дивӧ, Серапимӧ, Со мый вӧчсьӧ тэнад нимӧн!.. Дерт, он вермы тӧдны тэ,— Нимкодясь, мый гижи ме!
