ӦНІЯ ГАЗЕТ


Кутшӧма му вылын олӧмыс мунӧ,
Кӧні мый вӧчӧны, —
Та йылысь вочасӧн пыр лунысь лунӧ
Газетӧ лэдзӧны.
Газетыд — рӧмпӧштан: тыдалӧ сэтысь
Мувывса олӧмыс.
Газетыд — юӧртысь, бур мывкыд сетысь,
Оланног нуӧдысь.
Газетыд — велӧдысь, морттуйӧ воштысь,
Синъястӧ восьталысь,
Лёк олӧм дивитысь, бур олӧм ошкысь,
Веськыда висьталысь.

Кывзӧй жӧ газетлысь висьталӧмторсӧ,
Радейтӧй газетлысь кыв!
Дугдывтӧг велӧдчӧй, югыд туй корсьӧй,
Газет мед лёктор оз кыв!