СӦВЕТСКӦЙ


Шондібанӧй олӧмӧй,
Сӧветскӧй удж «дорӧмӧй»:
Ӧкмыс часын локтӧмӧй,
Куим часын мунӧмӧй...

Лунтыр помтӧг гижӧмӧй,
Пукалігӧн «измӧмӧй»:
Пызан дорын дзольгӧмӧй,
Ӧшинь дорын дзоргӧмӧй.

Шондібанӧй мырсьӧмӧй —
Куим часӧдз тыртчӧмӧй;
Кытчӧсюрӧ шӧйтӧмӧй,
Роман книга пӧльтӧмӧй...

Сё майбырӧй олӧмӧй,
Тӧлысь кост коллялӧмӧй,
Уджӧн сьӧлӧм косьтӧмӧй,
Кыкысь деньга босьтӧмӧй...

Ок, ок, ок, ок, олӧмӧй,
Сӧветскӧй удж колӧмӧй:
Ӧкмыс часын локтӧмӧй,
Куим часын мунӧмӧй...