* * *

Мед гижтӧмӧн ни ӧти кывбур оз коль.
Быд кыв, быттьӧ дзоридз, мед воссьӧ.
Кыдз сикӧтшын йитчӧма моль дорӧ моль,
Сідз кыв инсӧ ассьыс мед корсьӧ.
Мед мӧвпын оз кус ӧшкамӧшкалӧн дзирд,
А кыв чужӧ-артмӧ, кыдз лысва,
Кыдз зэр войт, кыдз шер либӧ кокни лым чир.
Быд лоӧмторлы чолӧм ыста!

Мед лыддьытӧмӧн ньӧти кывбур оз коль.
Мед чужан кыв некод оз гуав.
Мед унаысь воас на гижасян вой,
Ӧд кадыс тай мунӧ, оз сулав.
Тэ видзӧдластӧ ассьыд чӧвтлы кӧть тшук –
Ме кывбурысь мыччӧдча надзӧн…
Сэн вуджӧрӧй, лолӧй и олӧмлӧн здук.
Тэ видзӧдлы сӧмын и аддзан...