КЫТЫСЬ МЕ ДА КОДІ?


Юалісны ӧтчыд:
— Кытысь ме да коді?
А ме налы воча:
— Ву дорса ме ёді,
— Мозынса ме мандзей,
— Вашкаса ме масё,
— Асьныд он мӧй аддзӧй?
Со тадз и тӧдмасим.

Кык ю костын менам чужанін,
Вашка-Мозын бердын оланін.

Шензьӧны со найӧ,
— Кыдзи нӧ тэ олан?
— Мый нӧ бурсӧ вайӧ
Кык ю костын олӧм?
— Ӧти юас, — шуи, —
Сьӧлӧм менам суніс,
Мӧд юӧдзыс вуджиг,
Нюжӧдіс шӧвк сунис.

Вашка дорӧс — дона чужанін,
Мозын дорӧс муса оланін.

— Кӧні сійӧ юыс,
— Кытысь чужаніннад?
— Кутшӧм сійӧ муыс,
Кӧні вужъясинныд?
Со тай эзысь тӧлысь
Кыкнан юас лэччис,
Зарни тугйӧн кӧлысь
Ӧтув найӧс йитіс.

Тані менам олӧм — Коми му,
Тані сьӧлӧмшӧрӧй — Коми му.