МАЙ ПОМЫН


Шонді гӧгыльтчис вӧр сайӧ,
Зэрлӧн эз усь весиг войт,
Кыа петіс верӧс сайӧ,
Эзысь тӧлысь — сылӧн мойд.

Мӧдлапӧлын кӧк нин кӧкӧ,
Кӧлысьлӧн пӧ воис кад,
Ӧтлаасис мусукыскӧд
Асъя кыа, сійӧ рад.

Тӧлысь кыаӧс окавлӧ,
Мыччӧ льӧмлысь еджыд роз,
Тӧв ныр кымӧрӧс косявлӧ,
Оз лэдз панны зэрлысь поз.

Ыджыдалӧ век на тулыс,
Ывла вылын юргӧ май,
Тшӧтш и меным, тувсов тӧлысь,
Шуда муслун козьнав вай.