ЗАРАВА


Вежа ва, зарни ва, зарава, —
Сэтшӧм сӧстӧм да чӧскыд, зэв сӧдз,
Кыдзи тувсовъя зэв ыджыд ва,
Сійӧ пармаысь менӧ оз лэдз.

Еджыд кыдз пулӧн мичлуныс пыр
Ёна ышмӧдӧ-шызьӧдӧ сьӧлӧм,
Ыб выв раскыс кӧ шыясӧн тыр,
Сідзкӧ, вӧр-ваыс гыалӧ-сьылӧ.

Быдса чуман тыр ӧкмис сӧдз ва,
Кыдзлӧн тӧвбыдся мудзӧмыс петі,
Югыд ва, кӧдзыд ва, зарава
Меным муслунсӧ козьналіс-сетіс.

Чужан му дорӧ муслун оз быр,
Кодыр тӧдмалан зарава кӧрсӧ,
Бара нимкодь мен, радла лунтыр,
Сьӧлӧм кылӧ пармалысь горсӧ.