ВОЙВЫВСА ВОСТЫМ


Вижӧн и гӧрдӧн, и лӧзӧн
Пӧртмасьӧ енэжын востым,
Тадзи жӧ быдсикас рӧмӧн
Ыпъялӧ менам пӧсь сьӧлӧм.

Ывлаыс кӧдзыдсьыс-кӧдзыд,
Менӧ тэ муслуннад шонтін,
Тэкӧдыд кыкӧн зэв долыд,
«Лэбалам» кодзувъяс пӧвстын.

Арланьыс лолӧй оз косав,
Оз ышӧд гожӧм ни тулыс,
Мыйлакӧ меным зэв муса
Тӧвся сӧдз енэжлӧн рӧмыс.

Ветлывла кор саридз дорӧ,
Кывза кор гыяслысь горсӧ,
Менӧ пыр чуксалӧ-корӧ
Войвывса востымлӧн ворсӧм.