ЗЭРИГӦН


Бара помся киссьӧ зэр,
Меным талун шуштӧм, гажтӧм,
Радейтчӧмыд абу шер,
Он тай вунӧд вӧвлӧм гажсӧ.

Тэнӧ виччыся лунтыр,
Сьӧлӧм сӧмын тэнӧ корӧ,
Мыйла он лок татшӧм дыр?
Али зэрыс тэныд сорӧ?

Ывла вылын гӧгӧр гӧп,
Ӧдйӧ визувтӧны шоръяс,
Радейтчӧмыд абу лӧп,
Он ӧд шыбит сійӧс шорас.

Коли виччысьӧмын лун,
Бара тэнӧ ме эг аддзыв,
Гашкӧ, босьтіс тэнӧ ун,
Гашкӧ, мыжа ме тэ водзын...

Горӧн киссьӧ-шлывгӧ зэр,
Сылысь помсӧ вичча век на,
Зэрыс менӧ оз ӧд нер,
А ме шога ог сы вӧсна.