ЮРИЙ ВАСЮТОВЛЫ — ПОЭТЛЫ ДА ГРАЖДАНИНЛЫКоркӧ чайтліс-ӧ важся Удора? Зумыш пармаыс эскӧм эз сет, Мый и Комиын — кык мича ю дорын Чужас-быдмас оз этша поэт. Вӧлі быдторйыс: сьӧкыдыс, бурыс, Но ӧд казьтывтӧг найӧс он ов, Тшӧктіс олӧмыс тэчны кывбуръяс, Со и чужис поэт Васютов. Коми парма сьылысьӧн лоинныд, Нэм эн кыйӧдӧй ыджыдджык чин, Сӧмын тӧд вылын, сьӧлӧмын кутінныд, Мый ті ас муын век гражданин. Кадыс кольӧ тай, ӧдйӧ зэв шлывгӧ, Быд во пуктӧ чужӧмӧ пас, Войвыв парманым нэмъяс чӧж шувгӧ, А Ті тыртанныд нин сизимдас. Небыд кывъясӧн, аттьӧӧн, пӧся Лои пасйӧма Тіянлысь ним, Визув Вашкаса, югыд Мозынса Пыдди пуктана Ті гражданин.
