ЕНЛЫ КЕВМЫСЬӦМ


О, енэж, енэж, тэ ӧд вывті вылын,
Тэ пыдӧстӧм да вывті ёна сӧдз,
О, Енмӧй, Енмӧй, Тэ ӧд вывті ылын,
Вежӧрӧн да мӧвпӧн Тэӧдзыд он судз.

О, Енмӧй, Енмӧй, ӧтнанымӧс колин,
Ми бӧрдам Тэтӧг, да ставнымлы зэв лёк,
Уна-уна во нин виччысьӧмын коли,
Кӧсъям ӧні тӧдны, мыйла тэ он лок.

Сиктса вичконым — эскысьяслӧн керка —
Киссьӧма со ставнас — некодлы оз ков,
Корам Тэнӧ, Енмӧй, отсалышт нин кыдзкӧ,
Мед кыптас войтырыслӧн эскӧм дінӧ лов.

Мед Тэныд эскысьыс пыр лоас унджык,
Мед кок йыв сувтас гӧльмӧм коми сикт,
Мӧдас пуны мед нэм йӧзлӧн вежа уджыс,
Господьӧй да Енмӧй, отсӧг таын сет.

Господьӧй да Енмӧй, нимӧдам ми Тэнӧ,
Аллилуйя сьылам, аллилуйя — ставӧн,
Господьӧй да Енмӧй, миянӧс эн эновт,
Слава, Слава Тэныд мӧдам сьывны быдӧн.