ДАС КВАЙТ ПАДЕЖ


— Коми кывйын дас квайт падеж, —
Нерис менӧ со роч Надя,
Рочын пӧ тай сӧмын квайт,
Тіян кывйын пӧ дас квайт,
Сёрнитанныд кыдз пӧ ті,
Он мӧй дзугсьӧй сэтчӧ ті.
А ме воча: «Но и мый...
Падежыс ӧд абу вый,
Сійӧс нянь вылӧ он мавт,
Пон моз он жӧ сійӧс лявк».
Сэсся тӧдмӧді ме сыӧн,
Кыдзи падежъяссӧ пуа.
Мися, гудрала ме ставсӧ,
Ёна солала да дасьсӧ
Ыджыд пачӧ пыдӧ йӧтка,
Абу тай нӧ сійӧ пӧтка,
Оз ков тані ыджыд нок,
Ӧдйӧ пусяс чӧскыд рок.
Ок, и юмов, сёя ме,
Но-ко, видлы тшӧтш и тэ.