ДЗОЛЮКЪЯСЛЫ...


Курӧг со ас дорӧ
Чипанъяссӧ корӧ:
— Но-ко, локтӧй, но-ко!
Котсӧ: «Ко-ко! Ко-ко!»

Школаад он сёрмы,
Весиг абу сёрни,
Водз асывсянь петук
Сьылӧ: ку-ка-ре-ку!

Мӧдлапӧлын кӧкӧй
Лунтыр бара кӧкӧ,
Помся кылӧ: «Кук-ку!
Корсьӧй менӧ, кук-ку!»

Кӧза ыджыд сюра,
Сылы сёйӧд сюрӧ.
«Няньсӧ сёйин тэ? Тэ!»
Кӧза шуӧ: «Ме-е, ме-е!»

Миян мӧсным йӧла,
Сюрук оз ов чӧла.
Турун сетан: «Му-у!»
Ва кӧ мыччан: «Му-у!»

Тузик оз ов чӧла,
Кӧинъясысь полӧ,
Йӧрысь аддзис бобув,
Со и увтӧ: «Ув-ув!»

Васька шырӧс кутіс,
Сыӧн ворсны кутіс,
Шырыд пышйис: «А-у!»
Васька горзӧ: Мя-у!»

Вӧв вылӧ кӧ сӧлін,
Мед оз ло и полӧм,
Пегӧй гӧрдлӧ: «Иго-го!
Суӧд менӧ, иго-го!»

Баля сёйӧ турун,
Сетӧ шоныд вурун.
Гидйын баксӧ: Бе-е!»
Сёйны корӧ: «Бе-е!»