ШОНДІ КӦЧКеркааным пырис кӧчиль, Мый нин сэсся сыкӧд вӧчан... Кутіс дзебсясьӧмӧн ворсны, А ми мӧдім сійӧс корсьны. Кӧчыд чеччалӧ, оз сетчы, Вылӧ качӧ, улӧ лэччӧ, Со тай кайис паччӧр вылӧ, Сэсся пырис пызан улӧ. Но-ко, челядь, кӧчсӧ кутӧй, Орччӧн-орччӧн ставӧн сувтӧй, Босьтам ӧні сійӧс кытшӧ, Он нин дзебсьы сэсся, кӧчӧй! Кӧчиль ветлӧ стенысь бердӧ, Но ми сійӧс ог ӧд вердӧй, Кӧчыд сёйнысӧ оз кор, Сійӧ сӧмын ворсантор. Шуам сійӧс шонді кӧчӧн, Гортын гажсӧ бура вӧчӧ, Шонді пырис кымӧр сайӧ, Кӧчиль воши, корсьӧй-вайӧ.
