ЫШМЫЛӦМ

Сё дивӧ: шонді суніс ваӧ!
Но мыйла «дзиж» ни «дзож» эз кыв?
Ме сиктсянь медводз аддзи тайӧс
И пыр жӧ куті корсьны тыв.

Ме водзвыв нимкодясьны понді:
«Вот аддзыланныд, ог кӧ кый!
Дзик ӧтнамлӧн сэк лоас шонді,
А тіян, коньӧръяслӧн, мый?»

Друг кымӧр локтіс вывті мисьтӧм,
И менам шондіӧй эз ло.
Дзик ушатысь моз кисьтіс-кисьтіс,
Ме чайті, сылы пом оз во.

Кор кобис, шонді бара суніс
Ю шӧрӧ ӧнтаяыс моз.
Ва паськӧмӧн ме гортӧ муні:
«Кысь кыян сійӧс, мый оз позь!»