МОРЕКӦД СЁРНИ

Тэ бара пузин, Чёрнӧй море.
Тэ бара шыльӧдан руд из.
А менӧ сьӧлӧм сэтчӧ корӧ,
Кӧн тӧдса ордымлӧн веж визь.

Ме тан. Ме эска и ог эскы.
Но кыла, кыла гылысь шы.
Тэн, море, тыдалӧ, зэв дзескыд —
Руд берег вылӧ кайӧ гы.

Ме локті Войвылысь тэ дорӧ.
Кӧть ӧтчыд ещӧ резышт вай.
Ме тэнад друг. Эк, море, море,
Тэ менӧ лябӧн эн жӧ чайт.

Тэ быгзин-пӧсялін, тэ мудзин.
Мен вывті тӧдса тэнад удж:
Ӧд тэ кӧ эськӧ талун узин,
Выль сьыланкывйыд эз и чуж.