ТУЙЯСНёльлаӧ сикт помын Туйяс вожалӧны. Омӧль кыв на йылысь Код нӧ шуас ӧні? Талявлісны найӧс Прадедъяс да дедъяс, Кузь туй помсӧ накӧд Мерайтлісны бедьяс. Шудсӧ чужан сиктӧй Корсис — дыр эз аддзы. Прадедъяс да дедъяс Сьывлӧмны сэк тадзи: «Синва сора лысва Асъя шонді косьтас, Нёль туй пытшкысь кодыс Бурджык олӧм восьтас?» Сӧмын эз тай бырлы Гӧльлуныс ни шогыс. Юрбитлісны енлы — Енлӧн ичӧт могыс. Пета ме сикт сайӧ, Чӧвта видзӧдласӧс. Нёльнан туйӧд сиктӧ Локтӧ мирнӧй асыв. Талун меным нинӧм Жугыльтчыныс торъя — Любӧй туйӧд муна, Аддза корсянторйӧс.
