МЕ ТӦДА, ТӦДА

Ме тӧда, тӧда дзольгысь шор,
Ме тӧда, тӧда Изьва керӧс:
Бур сьыланкывъяслысь задор
Сё во мысьт тадз жӧ йӧла нерас.

А сэк мотивыс чужас мӧд.
Выль томлун тан сэк сьывны панас.
Мӧд лоас олӧмыслӧн ӧд.
Выль кад — кӧзяин лоас тані.

Но, чужан вӧр-ва, ме зэв рад
Тэд шуны талун: помӧдз эска,
Мый ӧнъя сьыланкывлӧн лад
Выль томлуныслы оз ло веськодь.

И кызьӧд нэмлӧн югыд сер,
И слава миян комсомоллӧн
Оз чусмыны, оз вунны, дерт.
Бур славаыс век кузь нэм олӧ.