ПРАЗДНИК АСЫЛӦ


Сӧмын на садьмам,
А миянлы кылӧ нин
Репродукторысь праздничнӧй марш...
Ворсӧ-гыалӧ долыд сьылӧмӧн
Арся ывлаын тувсовъя гаж.

Тадзи думыштан:
Шуда йӧз ми.
Кутшӧм шань миян Рӧдина-мамным!
Шуда том кадӧ гажлунлӧн би
Некор миянысь оз вермы ямны,

И ми казьтыштам:
Мыйтаӧн сэк,
Революция асылын, петлісны
Смертнӧй кось вылӧ,
Вӧльнӧя мед
Налӧн пияныс му вывті ветлісны.

Эз, эз жалитны батьясным коркӧ
Пиян шуд вӧсна ассьыныс лов.
И дзик некодлы ньӧтчыд не торкны
Миян чужан му дінӧ любов!

И со талун,
Кор чужан му дзордзалӧ
И кор гажлунӧн ывлаыс тыр,
Миллионъясӧн тувччаліг орччӧн,
Чужӧм вылысь серьёзносьт оз быр.