ЛЫЖИ ВЫЛЫН

Тайӧ серпасыс
	Енэжын тӧдчӧ:
Пуксьысь шонді
	Да дзирдалысь лым.
Чизыр тӧв бӧрся
	Лыжиӧн вӧтча,
Ӧддзӧм бедьясыс
	Ки улын пым.

Здукӧн ышмыла...
	Кыдз гӧгӧр чукыльта,
Лэба чойгорув,
	Лэпта лым бус.
Вывлань горӧда...
	Йӧлаӧн юкыштас
Сӧдз дон сынӧд,
	Быд гыӧртӧм куст.

Корсян мудзӧм,
	А вирыд пыр пузьӧ,
И век шоналан,
	Кокнялан пыр,—
Вӧтча тӧв бӧрся
	Чарӧм туй кузя,
Кытчӧдз морӧсын
	Лолӧй оз быр.

Тӧдса кыркӧтшӧд
	Дом дінӧ кая,
Сьӧлӧмшӧрӧйлы
	Горӧда ме:
— Муса Машук,
	Кыз гыӧръяс сайысь
Петав лым вылӧ,
	Иславны пет!