СТРАДНА СЬЫЛАНКЫВ

Куткыр козйӧс личкӧ ун.
Кутшӧм лӧсьыд ыркыд гожсай!
Ывла вылын мича лун
Видзвыв турунъяскӧд ворсӧ.
	Дӧрӧм улын —
	Ньылӧм шор,
	Швичкӧ турун
	Косадор.
		Сэн колхоз,
		Тан — колхоз,
		Пуӧ ӧтув удж.
		Видзьяс вылын
		Вай эн ылав,
		Збойлун кутны куж!

Дышӧн ворсны тан оз позь,—
Зэв ӧд ёна сотӧ шонді.
Турун вӧсна ыджыд кось
Кыпӧд веретяті, сёнті.
	Ыджыд косьын —
	Вермӧм тыр.
	Уджӧ босьтчы
	Пырысь-пыр.
		Лун и вой,
		Вой и лун,—
		Крепит вына сой!
		Шыбит бокӧ
		Гудыр ун, —
		Тэнӧ удж оз сёй.

Сьӧкыд гожся страдна удж,
Вынӧн чардышт парма дорті.
Визув ёльӧд повтӧг вудж,
Збоя сьыв, ударник ёртӧй.
	Ыджыд косьын —
	Тэкӧд став,
	Сӧмын ёся
	Нырщикав.
		Сэн колхоз,
		Тан — колхоз,
		Пуӧ ӧтув удж
		Видзьяс вылын
		Вай эн ылав,
		Збойлун кутны куж!