ТӦЛЫСЬКымӧр сайысь Тӧлысь петіс, Чусыд югӧр Мулы сетіс. Пасьыс еджыд, Тошкас эзысь, Киыс небыд, Син — чим лӧзысь. Пуяс костті Чускӧ-письтӧ, Коръяс пӧвстті Эзысь кисьтӧ. Бадь пу корйӧн Ворсіг родӧ, Гусьӧн, ньӧжйӧн Ю выв водӧ. Вералӧ да — Дзув-дзувъялӧ, Йӧгзьӧ-уйӧ, Луйк-лайкъялӧ. Сэсся кежлӧ Сиктладорӧ — Ньӧжйӧ вешйӧ Ӧшинь дорӧ. Ӧшинь пырыс Дзоргӧ, дзузгӧ — Шытӧг джоджас Эзысь бузгӧ. Стен бердас Сигудӧк сюрӧ — Еджыд кинас Трень-трень дурӧ. Войбыд тӧлысь Войлӧ-жӧдзӧ — Войбыд эзысь Койлӧ, кӧдзӧ.
