ЧУЖАН МУ

І

Тэнад тувсов кыдзьяскӧд
бӧрдны.
Тэнад юмов сынӧдӧ
пӧдны.
Тэнад енэж лӧзінӧ
сывны.
Тэныд сьӧлӧм дойясӧс
сьывны.

Уна во ме йӧз муын
шӧйті,
Кымын олӧм важ нопйӧ
сӧвті.
Тэ эн дивит пӧрысьмӧм
мортӧс,
Коді сӧмын воӧдчис
гортас...


ІІ

Ме уя тэнад лӧньӧд,
быттьӧ вӧрті.
Ме апала пӧсь ловтӧ
и ог пӧт.
Ме тэ весьтӧ став шогсянінас
бӧрді,
И тэ пыдди ме юи
став лёк вӧт.

Мый кывбур менам —
комын кыв — и ставыс.
Тэ бура тӧдан налысь
гуг да бан.
И выль ног он нин шӧпкӧдышт,
он равӧст.
Он весиг выль ног
радейт тэнӧ тан...