ТӦВЛАНЬӦ


Расъяс дзик нин пасьтӧм коли,
	киссис кыдзлӧн кор...
Регыд, регыд мӧдас усьны
	еджыд килля кор.
Вевттяс гӧгӧр шобді пызьӧн
	видзьяс, муяс, вӧр.
Дорас юяс клянча поскӧн,
	камгас-кынтас нюр.
Лысӧм рака борд кодь лои
	увтас вылын оль,
Лы-сьӧм сюрӧс сӧмын коли.
	Ланьтіс Борган ёль...
Ылі вӧртас вежӧс кизьӧр,
	быттьӧ чышъян сыр.
Сынӧд тӧлыс лои чизыр — 
	чаткыркерӧ ныр.
Гӧгыль вежсис кыдз пу доддьӧн,
	телега оз тюр.
Челядь петіс лямпа-даддьӧн,
	гӧгыль оз нин дзурт.
Мустӧм лои кучик кӧмкот,
	посводз улӧ — брызь!
Кӧмав, пиӧ, ӧні кокад
	тюни вылӧ лызь!