ӦШКАМӦШКА


Ӧшкамӧшка — быттьӧ зарни подков —
Енэжа-му костас дорис кодкӧ.
Ӧтар помыс сикт горувса юын,
Котӧртла тшӧтш сӧстӧм васӧ юны.

Сылӧн рӧмысь ва веркӧсыс банйис,
Часлы тані мыська чужӧмбанӧс.
Кӧть и тӧда — томлун оз лок выльысь,
Век жӧ кора ӧтитор ме сылысь:

— Ӧшкамӧшка, эн жалит мен мичтӧ,
Гусьӧникӧн войт мында кӧть вичмӧд.
Сэки, гашкӧ, вӧлисьт тырмас вынӧй
Кӧть нин ӧтчыд сизим рӧмӧн сьывны.