ОЛӦМ


Важӧн помасис чарӧма мартыс,
Шонді азыма синъясӧс ёрӧ.
Кыдзлӧн пӧльтчӧны томиник гаръяс,
Быттьӧ нывкалӧн гӧрддзасьӧ морӧс.

Ывла ӧтарӧ югыдӧн туис,
Кыдзлӧн пудпаса чужӧмыс кельдӧ,
Небыд тӧв улын ружтыштлӧ пуыс —
Сьӧкыд чужтыны моздор тыр челядь.

Со и сявкмуніс-чужис выль петас,
Примит, матушка кыддзӧй, пӧсь чолӧм.
Тайӧ пӧралы мӧд ним кӧ сетны,
Эськӧ сеті ме ним сылы: Олӧм!