ОКТЯБРСэки вӧлі октябр тӧлысь, Дас сизимӧд вося ар. Пельтӧ вундӧ лэчыд тӧлыс, Лӧвтӧ-шутьлялӧ зэв яр. Гыис Петроградын войтыр, Чеччис-кыпӧдчис став гӧль. Йӧзӧн уличаыс ойдіс: Петіс том морт, петіс пӧль. Матрос мунӧ револьвера, Салдат чургӧдӧма штык, Кодкӧ пулемётысь зэрӧ — Шкувгӧ кар пасьтала зык. Дон дӧлалӧ кумач дӧра, Дӧра вылас лозунг эм: «Паныд буржуйяслы скӧра Сувтам, уджалысь йӧз, тшем!» «Оз ков господа ни барин!» «Чегам капиталлысь гыж!» — Лэптіс уджалысь йӧз карын Буржуй власьтӧс чӧвтан тыш. Шковгӧм «Аврорасянь» кыліс, Зимньӧй двореч бердын бой... — Большевикъяс — медводзвылын... — Со и... буржуй власьтлӧн шой... Чорыд тышӧн аслас киӧ Босьтіс власьт уджалысь морт. Вӧлі юрнуӧдысь миян Тайӧ тышын Ленин ёрт.
