КОЗИН


Лӧнь тыысь гумовта кыа,
Олан туй эз пемдыв мед.
Эжвалысь сялькӧдчысь гыяс
Гаж вылӧ козьнала тэд.
 
Меддона изйысь на мича
Лысвалӧн дзирдалысь сер.
Козьнала лысваа видзьяс,
Гаръясӧс польдчӧдысь зэр.

Шонділысь югӧр тэд каття, —
Сы кодь жӧ пӧсь лоан, том.
Кыдз пулысь чусмывтӧм платтьӧ
Козьнала казьтыланпом.

Козьнала юсьяслысь горзӧм,
Кельыдлӧз енэжлысь от.
Донаӧй, мыйӧн ме озыр —
Водзӧстӧг ставсӧ тэ босьт.