КАД


А кадыс ӧдйӧ вӧлӧм мунӧ...
Ме ӧні гӧгӧрвои тшук.
Мый коркӧ шулін, ӧдйӧ вунӧ,
А воыс лэбӧ, быттьӧ здук.

Тадз он и тӧдлы, гожӧм шӧрын
Друг аддзан: гӧгӧр еджыд лым.
А са сьӧд войлӧн воӧм бӧрын
Друг ставсӧ ӧзтас шонді пым.

А коркӧ чужас шуда кодзув —
Сьӧд войся енэжыслӧн мич.
И шуны верман-ӧ тэ водзвыв,
Мый он и тӧдлы, бырӧ кыдз.

Ог кужӧй донъявны ас кадӧ
Ми олӧм, вежӧрным кор том.
Здук сайын вӧлі шуд да радлӧм,
А со нин кыпыдлунлы пом.