ЛЭБӦНЫ ТУРИЯСАрся руд енэжӧд лэбӧны турияс — Дыр кежлӧ кольӧны ас чужанін, Вына кузь борднаныс ӧвтчӧны буриа... Верман-ӧ вештыны на вылысь син? Вылісянь нораа кривзӧны донаяс — Жаль налы эновтны вӧр-ваа му... Менам тшӧтш сьӧлӧмӧй нормӧ и доналӧ... Но тай век ылалӧ ёсь йыла тув; Рытыла-Лунланьӧ веськыда уйӧны, Енвевтас эм быттьӧ кутшӧмкӧ визь... Ок эськӧ, меным тшӧтш веськыдджык туйӧд жӧ Олӧмысь вуджлавны вӧръяс и видз!.. Этшаджык эськӧ мем шыбласьны ковтӧгыс, Эзджык мед нӧйт менӧ шыбӧль и вен — Этайӧ кельӧбыс этшӧн мед повтӧг жӧ Медъёна вӧчны, мый индыліс Ен. Мича ён лэбачьяс, бур мый ті эмӧсь на! — Парманым сетӧ на тіянлы горт, — Мед эськӧ татшӧмыс некор эз помасьлы, Вежалӧн-пӧткалӧн эз орлыв борд!.. Ылалӧ, ичӧтмӧ ёсь йыла кельӧбыс, Ыркалӧм ывлаын бӧр лоӧ чӧв. Кодкӧ мем быттьӧкӧ вашкӧдӧ пельясӧ: Турилӧн бӧж сайын кольӧ кузь тӧв.
