* * *

«Скӧрмӧмвывсьыд лёк эн кер...» — 
Коркӧ важӧн мамӧ шуліс,
И тайӧ майшасьӧмсӧ, дерт,
Сійӧ томӧн гуас нуліс.

Чужлі ыпмунысь да яр,
Олӧм дойяс ёся кылысь,
Быдысь менам сьӧлӧм жар
Гызьмунліс став пежыс вылӧ.

Тшӧтш ӧд вуджи Кызьӧд нэм — 
Помтӧм лёклуна да вира!
Вежӧртны оз тырмы вем,
Мыйяс сійӧ нырис-керис!

И сылӧн йирын — торъя Морт!
Кыдзи Мортнас сылы кольны?
Кыдзи вынӧн кутны борд,
Медым быдторйысь эз кольмы?..

Кузякодь нин ола ме, — 
Быдтор аддзылі и тӧдлі — 
Тӧдлі ловлысь югыд мезд,
Муртса шогъясысь эг пӧдлы,

Вӧчлі кодлыкӧ тшӧтш дой,
Лӧсавлісны ассьым бандзиб...
Ӧні кольлӧ узьтӧг вой — 
Унаторйысь меным яндзим...

«Скӧрмӧмвывсьыд лёк эн кер...» — 
Нэм джын сайын шуліс мамӧ;
Ӧнӧдз сылӧн кыв эз берд — 
Лэптӧ овны бурджык сямӧн.